A Chymical Wedding

Ռունաները գերմանիկ ծագման լեզուների այբուբենն են եղել մինչև քրիստոնեացմանը զուգահեռ լատինականներով փոխարինվելը: Բացի դրանից, նրանք կիրառվել են նաև դիվինացիայի (գուշակության) ու մոգության մեջ: Ռունաները այբուբեն են կազմում: Սկանդինավյան տարբերակում այն կոչվում է Ֆութարկ (առաջին վեց ռունաների համար՝ Ֆեհու-Ուրուզ-Թուրիսազ-Անսուզ-Րայդո-Կաունան), իսկ անգլո-սաքսոնականում՝ Ֆութօրկ (նույն սկզբունքով, բայց հին անգլիական հնչյունափոխությամբ): Ամենահին ռունագրությունները թվագրվում են մ.թ. 150 թվականի կողմերը: Դանիայի Ֆունեն կղզում գտնված այս սանրը հայտնի ամենահին ռունագրություններից մեկն է պարունակում (մ.թ. 150-200 թթ), որը կարդացվում է «Հարյա» (տղամարդու անուն է): Ամենահայտնի ռունիկ այբուբեններն են Ավագ Ֆութարկը, Հին Անգլիական Ֆութօրկն ու Կրտսեր Ֆութարկը: Կրտսերն իր հերթին բաժանվում է երկարաճյուղ ռունաների (հաճախ անվանում են «դանիական ռունաներ», թեև կիրառվում էին նաև Շվեդիայում ու Նորվեգիայում), կարճաճյուղ կամ «Ռյոկ» ռունաների (որոնց անվանում են նաև «շվեդո-նորվեգական», թեև կիրա...

☉ in 2° ♌ : ☽ in 29° ♑ : Anno IVxviii a.n. Նախաբան Արա, ինչ Կամենում ես` կլինի ողջ Օրենքը: Ալիստեր Կրոուլի, "Liber Al vel Legis" Այս լեկցիան կանդրադառնա օկուլտիկ ավանդությանն ու փիլիսոփայությանը միջնադարյան ու վերածննդի շրջանի Եվրոպայում: Այն իր մեջ պարունակում է մեծ քանակությամբ մշակումներ տարբեր աղբյուրներից՝ թե՛ հին, թե՛ ժամանակակից: Լեկցիան կսկսի պատմական ակնարկով, որը ցույց կտա ունկնդիրներին, թե ինչ արմատներ է ունեցել եվրոպական օկուլտային ավանդությունը և ինչու է իր մեջ ներառում այնպիսի բազմատեսակ տարրեր, ինչպիսիք են հրեական միստիցիզը՝ Կաբալան, հերմետիկ ալքիմիան, աստրոլոգիան ու շատ ուրիշ ուղղություններ: Կարևոր է հիշել, որ սա ընդամենը ներածական լեկցիա է, ոչ թե ուսումնական ձեռնարկ: Լեկցիայում նշված ուղղություններին լիարժեք ծանոթանալու համար կարիք կլինի լիարժեք ուսումնասիրություն անց կացնել: Նման ուսումնասիրություն ներկայացնելու համար անհրաժեշտ կլիներ գրքեր գրել, ոչ թե սահմանափակվել փոքրիկ լեկցիայով: Օկուլտային փիլիսոփայությունը վերածննդի ժամանակաշրջան...