Կրոուլիի անեկդոտը
Արա, ինչ Կամենում ես՝ կլինի ողջ Օրենքը:
Ալիստեր Կրոուլին մի անեկդոտ էր պատմում որն, իր պնդմամբ, ճիշտ հասկանալու դեպքում կբացատրի մոգության էությունը:
Երկու մարդ նստած են գնացքի նույն կուպեում: Իրար ընդհանրապես չեն ճանաչում: Պարզապես այնպես է ստացվել, լրիվ պատահաբար, որ նույն ուղերթի վրա են հայտնվել: Մարդկանցից մեկի ծնկներին ստվարաթղթե արկղ է, որի վերևում ծակեր են արված:
Անգլիայում, նամանավանդ վիկտորիական շրջանում, խիստ անքաղաքավարի էր համարվում գնացքով ուղևորության ժամանակ անծանոթ մարդու հետ խոսելը: Բայց, որոշ ժամանակ անց, երկրորդ մարդն արդեն չի կարողանում հաղթահարել իր հետաքրքրասիրությունը:
Անգլիայում, նամանավանդ վիկտորիական շրջանում, խիստ անքաղաքավարի էր համարվում գնացքով ուղևորության ժամանակ անծանոթ մարդու հետ խոսելը: Բայց, որոշ ժամանակ անց, երկրորդ մարդն արդեն չի կարողանում հաղթահարել իր հետաքրքրասիրությունը:
- Ներեցեք, պարոն,- ասում է նա,- բայց չէի կարող չնկատել ձեր տուփը: Նրա մեջ ինչ-որ կենդանի՞ է:
Մյուս պարոնն, իհարկե, զարմանում է այդ հանկարծակի հարցից, բայց քաղաքավարորեն ժպտում է ու պատասխանում.
- Դուք լրիվ ճիշտ եք: Տուփի մեջ իսկապես կենդանի արարած է: Կարող եմ ասել ավելին՝ այդ կենդանին մանգուս է:
Մարդն, ով սկսել էր հարցուփորձը, զարմանում է: Նա ցանկանում է էլի բացատրություններ ստանալ:
- Մանգու՞ս: Պարոն, պետք է խոստովանեմ՝ ես սպասում էի, որ միգուցե կատու լինի, կամ ճագար, բայց ոչ այդքան էկզոտիկ ու հազվագյուտ արարած: Ձեր նշած կենդանին այնքան է գրգռել իմ հետաքրքրությունը, որ խնդրում եմ՝ պատմեք ավելին: Որտե՞ղ եք գնում այսպիսի կենդանու հետ, եթե կներեք համարձակությունս:
Մյուս մարդը, որը նստած է՝ ծակծկված տուփն իր ծնկներին, հոգնած թոթվում է ուսերն ու պատասխանում.
- Դե, սա անձնական հարց է, որը կապված է ընտանեկան ողբերգության հետ: Ինչևէ, քանի որ ես համոզված եմ, որ կարող եմ հույսս դնել ձեր գաղտնապահության վրա, դեմ չեմ իմ դժբախտության մասին ձեզ պատմելուն:
- Հասկանու՞մ եք,- շարունակում է նա,- այս տխուր պատմությունը կապված է իմ ավագ եղբոր հետ: Նա միշտ եղել է, կարծում եմ, «ընտանիքի սև ոչխարը»: Տարիներով տրվել է կանխատեսելի ու տարածված չարիքների, որոնցից ամենավատը նրա սերն է ուժեղ ոգելից խմիչքների նկատմամբ: Եղբորս խմելը հասավ նրան, որ նա հիմա delirium tremens-ի վերջնական շրջանում է: Եղբայրս ամեն տեղ օձեր է տեսնում, ահա թե ինչու եմ ես նրան այս մանգուսը տանում՝ որ օգնի նրան ազատվել օձերից:
- Ներեցեք,- միջամտում է մյուս մարդը շփոթված հայացքով,- բայց օձերը, որոնք տեսնում է ձեր եղբայրը... դրանք երևակայական օձեր են, այդպես չէ՞:
- Իսկապես,- պատասխանում է մանգուսով պարոնը:- Բայց սա,- ու նա խորիմաստ հայացքով ցույց է տալիս ծակծկված արկղը,- երևակայական մանգուս է:
Comments
Post a Comment